:::::::::::::::: Naat ::::::::::::::::

Yeh mana k Baagh-e-Irum motabar hai....
Madinah khuda ki qasam motabar hai......!

Agar-chay sabhi hi fida-e-Nabi (PBUH) haiN
Hai jo aankh mehfil main num motabar hai

Sana-khwaaN hai koi, Sana-go hai koi........
Rakha jis ka tum nay bharam motabar hai

Dar-e-Mustafa (PBUH) par barabar haiN sab hi
Na ziyaada hai koi, Na kam motabar hai...!

ZameeN ki fazeelat ki ik yeh wajah hai......
K Aaqa (PBUH) naqsh-e-qadam motabar hai

Likha is pay Ism-e-Nabi (PBUH) jab se Rub nay
Ussi din say Lau-o-Qalam motabar hai......!

MaiN qaasir hooN Shaan-e-Nabi (PBUH) k bayaaN se
K Shaan-e-Shafi-e-Umam (PBUH) motabar hai......!

Woh Data hooN Khwaja hooN ya Ghous-e-Azam
Kiya jis pay tum nay karam motabar hai...!

Hai aabad yeh dil gham-e-Mustafa (PBUH) say
Yeh dil ba-sa'aadat, Yeh gham motabar hai

MaiN jaa'uN Madineh tamannah hai Faisal
Agar-chay zameeN par Haram motabar hai